“I am black, but my soul is white”: The Christian Neophyte and his Alienation in 19th Century Anti-conversion Anglo-Indian Novels (“Men qoraman, ammo ruhim oq”: XIX asr konversiyaga qarshi ingliz-hind romanlarida nasroniy dinini qabul qilgan qahramon va uning begonalashuvi)

Ayusman Chakrabortyning “I am black, but my soul is white”: The Christian Neophyte and his Alienation in 19th Century Anti-conversion Anglo-Indian Novels (“Men qoraman, ammo ruhim oq”: XIX asr konversiyaga qarshi ingliz-hind romanlarida nasroniy dinini qabul qilgan qahramon va uning begonalashuvi) nomli maqolasi XIX asr ingliz-hind (Anglo-Indian) adabiyotida diniy konversiya mavzusining badiiy talqinini umumlashtirishga bag‘ishlangan tematik adabiy obzor (thematic literature review) xarakteridagi tadqiqotdir. Muallif Sydney Owensonning The Missionary (“Missioner”), Philip Meadows Taylorning Seeta (“Seeta”) hamda William Wilson Hunterning The Old Missionary (“Keksa missioner”) romanlarini qiyosiy tahlil qilib, ularda nasroniylikni qabul qilgan hind qahramonlarining begonalashuvi va ijtimoiy yakkalanishi masalasini yoritadi. Maqolada ushbu romanlarda diniy konversiyaning ruhiy, ijtimoiy va madaniy oqibatlari, konvert obrazining mustamlakachilik mafkurasi bilan bog‘liq talqini hamda missionerlik siyosatiga munosabat umumlashtiriladi. Muallif pro-conversion va anti-conversion yo‘nalishidagi ingliz-hind romanlarini tasniflab, anti-konversiya ruhidagi asarlarda yangi dinni qabul qilgan qahramonning o‘z jamiyatidan ajralishi, yangi muhitga ham to‘liq moslasha olmasligi natijasida yuzaga keladigan begonalashuv konsepsiyasi izchil yoritilganini ilmiy asoslaydi. Shuningdek, Gauri Viswanathan, Homi Bhabha, Nigel Leask, Nancy L. Paxton kabi olimlarning ilmiy qarashlari tahlilga jalb etilib, XIX asr mustamlakachilik adabiyotida diniy konversiya va mustamlakachilik mafkurasi o‘rtasidagi bog‘liqlik ochib beriladi. Maqola yakunida anti-konversiya ruhidagi ingliz-hind romanlari konvert obrazini fojeali va yakkalangan shaxs sifatida tasvirlash orqali missionerlik g‘oyalarining samarasizligini badiiy jihatdan asoslagani haqidagi umumlashma xulosa ilgari suriladi. Mazkur maqola G‘arb adabiyotshunosligida qo‘llanadigan tematik adabiy obzor (literature review) namunasi sifatida qimmatli ilmiy manba hisoblanadi.